هتقولها من قلبك "الحمدلله" تسعدنا ابتسامتكم

أوقات كتير بتحس أن زى ما تقول كده فتحوا أبواب المشاكل عليك ..

مبقتش عارف تملها منين ولا منين .. 

وتبقى حاسس ان ربنا بيعاقبك او مش عايزك تفرح ..

وممكن تعيط وتزعق وتصرخ ..

وفجأة ..

تلاقى بابا اتفتح متعرفش منين ..

بابا كان من كتر مانت مضايق كنت فاكر ان ملوش مفتاح ..

علشان نسيت ان مفتاح كل البيبان مع ربنا ..

بيفتح الباب الفلانى , فى الوقت اياه , علشان تحصل الحاجه دى ..

أصل هو اللى عارف امته الخير ليك .. فـ إياك تزعل ..

كل حاجه بايد رنبا , وكل المفاتيح معاه ..

متستبعدش حاجه , ومتقلش على حاجه مستحيله ..

ما دام ربنا موجود , كل حاجه ممكنه , وكل حاجه خير ..

بس انت اول ما تجيلك مشكله , بص للمسا واضحك ..

واعرف ان اللى جاى حاجه هتفرحك اوى ..

لدرجه تخلى لسانك يقول لوحدة .. الحمد لله .

تسعدنا ابتسامتكم