نصائح من دهـــــب لاصحاب الشبكات الاسلكية والسلكية مع الزبائن

السلام عليكم ورحمة الله وبركاته

 الان مع  النصائح اياها
عن الزباين:
-الزبون اللى بيتأمر عليك هايعملك على طول كأنك شغال عنده...... ابقى شيله
-الزبون اللى بيحب يحمل كتير زى الشباب اللى بتجرى ورا الافلام الجديده
والالبومات والالعاب الكبيرة اعتبره عايز يخرب بيتك ...ابقى قوله: آه لو كنت جيتلى ايام العز 
(عز ده يبقى اخو عادل الكبير مكانش بيقول لأ لحد ما مات يوم 1/3/2014)
-الزبون اللى كان مجرب شركة النت وسابهم قول له تعالى فى حضن اخوك
-الزبون اللى كان مع شبكة وسابها قول له عن نفسك ...يا حلاوة شمسنا وخفة ضلنا
-الزبون اللى يقارن بيك وبين الشبكات التانية قول له انا بصفى (بس تكون واثق من شغلك)
-الزبون اللى بيفاصل خده على قد عقله واديله سرعة على قد فلوسه وان اشتكى قول له بصفى

عن الشبكه السلكية:
-خلى الاجهزة اللى راكبة تبقى على حساب الزبون علشان ياخدوا بالهم منها
-الراوتر شغل فيه فتحة واحدة لشبكتك وخلى الباقى فاااااااااضى وابقى غير الفتحة كل فترة
-ابقى اقلب فيشة الكهربا بتاعة اجهزتك لما تحطها فى البريزة بعد كل استراحة زى التلاجه
-اوعى تنسى تصرف الارضى
-ابقى اعمل تهويه لاجهزة الشبكة خليها تتنفس ماتكتمش نفسها
-ماتخليش السلوك زى طبق المكرونة الاسباجيتى فصصهم واكتب على كل فردة دى تبع مين
-ماتحطش كهربا فى سلك النت

عن الشبكة اللاسلكية:
-خلى الاجهزة اللى راكبة تبقى على حساب الزبون علشان ياخدوا بالهم منها
-ابعد عن التى بى لينك الله يعمر بيتك (701-740-743-اى عفريت ازرق)
-حاول تسمى كل جهاز بث باسم مختلف ssid
-مش كل القنوات تشغل لابات وتليفونات اختار القناة المناسبة وماتمسكش فى قناة بعينها
-خلى شبكتك open واعمل فى صفحة اللوج اعلان حلو
-اللى مش لاقط شبكتك كويس هايبوظ البنج عندك فى الشبكة
-خلى بالك من المطرة والعصافير والفئران والعيال الصغيرة

عن المايكروتك:
-حاول تخلى وصلاتك اللى بين السويتشات والراوتربورد قصيرة ونوع نضيف وياريت النوع الجاهز
-اتأكد ان الادابتور متمكن جوه البريزة مش بيرقص وكل اجهزتك
-حاول تتعلم ازاى تحل مشاكلك بنفسك محدش هايساعدك زى ايدك وابوس ايدك دور فى جوجل قبل ما تشتكى
-اعرف يعنى ايه هوست واى بى واكتيف ورول وبول ودى ان اس ولوج وشادلر وتيرمينال علشان لما تحكى مشاكلك
يبقى اللى بتشتكيله يفهمك