موضوع انساني "كنت راجع من الجيزة فى المترو"

كنت راجع من الجيزة فى المترو ..

والبنت الصغيرة دى طلعت بتوزع مناديل علينا .. فالشاب دا كان ماسك Tab بتاعه فالبنت دى وهي معدية فضلت تدوس عليه فهو فضل يضحك ..

بعد ما لمت المناديل جت قعدت تتفرج عليه راح مديهولها وقالها تخدى تلعبى

وخلاها تلعب و فضلت كام محطة ما نزلتش وفضلت تلعب وكانت بتضحك

لحد ما هوا كان نازل وبعدين نزلت هى كمان وهى بتضحك..

فى الاول والاخر هى طفلة كان من حقها انها تعيش زى اى طفلة فى سنها بس الظروف شائت ان اهلها يشغلوها كده ..

اللى عايز اقولو لما تقابل الاطفال دى حط فى حسابك انهم اطفال والظروف اللى عملت فيهم كده يعنى لو مش هتاخد منهم حاجة بلاش ترد عليهم وحش وتزعقلهم . حتى لو هم رخمين فدا مش بمزجهم الناس اللى علمتهم كدا...

انا مش بقولك اديهم فلوس وساعدهم انهم يفضلو متشردين بس انا قصدى انك حاول تعرف هما مين ومنين ولو تقدر تساعدهم ... لو مش هتعمل كده عاملهم على الاقل رد عليه من غير زهق او غضب ..

ارحمو من فى الارض يرحمكم من فى السماء

منقول عجبتنى قولت انشرها