قاهر العفاريت..علاء حسنين، وكيل اللجنة الدينية بمجلس الشعب سابقاً

قاهر العفاريت علاء حسنين

كتب الشاعر : صــــلاح عطية 

قاهر العفاريت..علاء حسنين، وكيل اللجنة الدينية بمجلس الشعب سابقاً
فى برنامج صبايا الخير قال انه كان عضو مجلس شعب لمدة 10 سنوات
بس اللى ما قالوش فى البرنامج انه كان ‫#‏حزب_وطنى‬ عن دائرة دير مواس .. المنيا
وان جريدة الاهرام نشرت خبر بتاريخ 28_10_2005
قدم محمد عبدالحفيظ ..عامل بدائرة دير مواس..
طعنا ضد علاء حسنين عضو مجلس الشعب الحالي ومرشح الوطني للدائرة لحصوله علي حكم بالحبس3 سنوات في القضية رقم12427 لسنة2003 جنح المعادي.
وقدم النائب شهادة من مجلس الشعب بأن لجنة الشئون التشريعية والدستورية بالمجلس لم تتلق أي طلب لرفع الحصانة عن النائب طوال فترة المجلس.
______________________________________
ونشر فى موقع مصراوى بتاريخ : 27/05/2011
علاء حسنين عضو الحزب الوطني ونائب عن دائرة دير مواس بالمنيا وأمين سر لجنة الشئون الدينية بمجلس الشعب، ومن أسرة فقيرة عرف عنه في الصعيد بأعمال السحر والعلاج بالقرآن وظهرت عليه علامات الثراء فجأة وبدون أي مقدمات، أشيع حوله أنه دخل مجلس الشعب عن طريق العفاريت ولقب بنائب الجن وكان متهما في القضية 12427 لسنة 2003 جنح المعادي في شيك بدون رصيد.
أثناء أحد المؤتمرات في حضور الرئيس السابق مع أعضاء البرلمان قام علاء حسنين وذهب إلي المنصة الجالس عليها مبارك ونظيف والشاذلي وقام بتقبيل يده ورأسه هكذا كانوا يضمنون استمرارهم في عضوية مجلس الشعب، وفي المناصب مثلما قبلت عائشة عبدالهادي يد سوزان ثابت زوجة الرئيس المخلوع.
------------------------------------------------------------
وكتب محمد جميل على صفحته الشخصيه 

على الفيس بوك 

انا اعرف هذا النصاب بشكل شخصي وهو من قرية تدعي (اسمو العروس) تابعه لمركز ديرمواس بمحافظة المنيا وهو كان ابن لاسره فقيرة تعمل بالخدمة في منزل عائلة عريقة تدعي عائلة( سهيل ) بذات القرية وهذا المدعي علاء حسانين حاصل علي دبلوم تجارة وعمل في الدجل والشعوذة منذ فترة طويله واتخذها سبيلاً للنصب علي الناس والتنقيب علي الاثار حتي اصبح مالتي مليونير وترشح وفاز بعضوية مجلس الشعب دورتين متتاليتين من ٢٠٠٠حتي ٢٠١٠ وهو من اذناب الحزب الوطني المنحل ومشهور جداً في المنيا واسيوط بالنصب والدجل والشعوذة وتجارة الاثار وقربة من النظام الفاسد اعطاه الحصانه والسلطه التي مكنته من السيطره علي من حولة وهذا الكلام علي مسئوليتي الشخصيه .
--------------------------------------------------
فى النهاية علاء ‫#‏وطنى‬ واللى خلا حزبه طلع الناس كلها من هدومها
مش هيقدر يطلع حتة عفريت من 5 بنات
يعنى 22 واحد حاولوا يطلعوا العفاريت ويقروا قرآن على البنات ومعرفوش
وعلاء باشا عمل المعجزه امام شاشات التليفزيون
تحيا مصر والحزب الوطنى
المسرحيه مش هتم غير بترشيح علاء باشا فى الانتخابات القادمه
وتبقى الدعايه اتعملت من دلوقت
*الحلقه النهارده مشوفناش فيها اى بنت رجعت دم زى مابيقولوا انهم طول الـ 24 ساعه بيرجعوا دم
* هو ليه بيتم تجميعهم فى مكان واحد.. هو مينفعش يتعالجوا واحده واحده.. ولا عشان الإثاره والتشويق والحبكه الدراميه.
* هو ليه العمليه مبتمش غير بالليل؟ عشان لازم شوية الرعب والخوف عشان يأثروا على المشاهد
* لازم المونتاج والموسيقا التصويريه والمؤثرات البصريه ياخدوا جوايز لان من غيرهم الحلقه اقل من العادى.
* حوالى 4 شهور مابيسمعوش اى من الاسماء دى احمد محمد محمود مصطفى اى من اسماء الانبياء ولا اسم الله .. فى التليفزيون ولا فى الشارع ولا حتى فى شغلهم؟
* سيادة النائب السابق علاء بيقول ان اساس المشكله ان حد رما زيت مغلى فى الحمام وفيه جن مات وعشان كده الجن بينتقم من البيت.. يعنى الجن مس ال 5 بنات وساب ابوهم وامهم ايه صعبوا عليه ولا تخصص بنات بس.
*اكيد الموضوع فيه سر.. ممكن البنات بيلعبوا على اهاليهم وعلى البرنامج وعلينا.. او البنات واهاليهم بيلعبوا على البرنامج وعلينا.. او البنات واهاليهم والبرنامج بيلعبوا علينا..
فى النهاية احنا بيتلعب علينا من اى طرف فيهم